Cyber fraud
ਵਰਤਮਾਨ ਵਿੱਚ, Instagram ਲੱਖਾਂ ਉਪਭੋਗਤਾਵਾਂ ਦੁਆਰਾ ਵਰਤਿਆ ਜਾਂਦਾ ਹੈ। ਮੈਟਾ ਦੀ ਮਲਕੀਅਤ ਵਾਲਾ ਇਹ ਪਲੇਟਫਾਰਮ ਉਪਭੋਗਤਾਵਾਂ ਦੀ ਸੁਰੱਖਿਆ ਨੂੰ ਮਜ਼ਬੂਤ ਕਰਨ ਲਈ ਸਮੇਂ-ਸਮੇਂ ‘ਤੇ ਨਵੇਂ ਟੂਲ ਪੇਸ਼ ਕਰਦਾ ਰਹਿੰਦਾ ਹੈ। ਪਰ ਕਈ ਵਾਰ ਯੂਜ਼ਰਜ਼ ਇੱਥੇ ਅਜਿਹੀਆਂ ਗਲਤੀਆਂ ਕਰਦੇ ਹਨ।
ਜਿਸ ਕਾਰਨ ਸਾਈਬਰ ਧੋਖਾਧੜੀ ਦੀ ਸੰਭਾਵਨਾ ਵੱਧ ਜਾਂਦੀ ਹੈ। ਇਸ ਲੇਖ ਵਿਚ ਅਸੀਂ ਇੰਸਟਾਗ੍ਰਾਮ ‘ਤੇ ਹੋ ਰਹੇ ਸਾਈਬਰ ਧੋਖਾਧੜੀ ਤੇ ਉਨ੍ਹਾਂ ਤੋਂ ਬਚਣ ਦੇ ਤਰੀਕਿਆਂ ਬਾਰੇ ਦੱਸਣ ਜਾ ਰਹੇ ਹਾਂ।
ਇਨਫਲੁਐਂਸਰ ਸਕੈਮ
ਇੰਸਟਾਗ੍ਰਾਮ ‘ਤੇ ਅੱਜਕਲ੍ਹ ਇਨਫਲੁਅੰਸਰ ਦਾ ਬੋਲਬਾਲਾ ਹੈ। ਪਰ ਇੱਥੇ ਸਾਵਧਾਨ ਰਹਿਣ ਦੀ ਲੋੜ ਹੈ ਕਿਉਂਕਿ ਇੱਥੇ ਕੁਝ ਅਜਿਹੇ ਫਰਜ਼ੀ ਅਕਾਊਂਟ ਵੀ ਦੇਖਣ ਨੂੰ ਮਿਲਣਗੇ ਜੋ ਫਰਜ਼ੀ ਫਾਲੋਅਰਜ਼ ਤੇ ਫਰਜ਼ੀ ਲਾਈਕਸ ਦੇ ਆਧਾਰ ‘ਤੇ ਲੋਕਾਂ ਨੂੰ ਗੁੰਮਰਾਹ ਕਰਦੇ ਹਨ।
ਕਿਸੇ ਵੀ ਤਰੀਕੇ ਨਾਲ ਉਨ੍ਹਾਂ ਦੇ ਜਾਲ ਵਿੱਚ ਆਉਣਾ ਤੁਹਾਨੂੰ ਨੁਕਸਾਨ ਪਹੁੰਚਾ ਸਕਦਾ ਹੈ। ਅਜਿਹੇ ‘ਚ ਇੰਸਟਾਗ੍ਰਾਮ ਤੋਂ ਕਿਸੇ ਵੀ ਸੰਵੇਦਨਸ਼ੀਲ ਜਾਣਕਾਰੀ ਦੇ ਚੋਰੀ ਹੋਣ ਦਾ ਖਤਰਾ ਵੀ ਵੱਧ ਜਾਂਦਾ ਹੈ।
ਫਿਸ਼ਿੰਗ ਸਕੈਮ
ਤੁਹਾਨੂੰ ਇੱਕ ਸਿੱਧਾ ਮੈਸੇਜ ਆਵੇਗਾ ਜਿਸ ਵਿੱਚ ਤੁਹਾਨੂੰ ਕਿਸੇ ਨਾ ਕਿਸੇ ਚੀਜ਼ ਨਾਲ ਲਾਲਚ ਦਿੱਤਾ ਜਾਵੇਗਾ। ਕਈ ਲੋਕ ਇਸ ਵਿੱਚ ਫਸ ਵੀ ਜਾਂਦੇ ਹਨ। ਪਰ ਕਿਸੇ ਵੀ ਮੈਸੇਜ ਦਾ ਜਵਾਬ ਦੇਣ ਤੋਂ ਪਹਿਲਾਂ, ਪੂਰੀ ਤਰ੍ਹਾਂ ਨਾਲ ਪੁਸ਼ਟੀ ਕਰੋ ਕਿ ਉਹ ਵਿਅਕਤੀ ਸਕੈਮ ਕਰਨ ਵਾਲਾ ਹੈ ਜਾਂ ਨਹੀਂ। ਕਈ ਵਾਰ ਅਜਿਹੀਆਂ ਸਥਿਤੀਆਂ ਵਿੱਚ ਸਕੈਮ ਕਰਨ ਵਾਲੇ ਤੁਹਾਡਾ ਨਿੱਜੀ ਡੇਟਾ ਚੋਰੀ ਕਰ ਸਕਦੇ ਹਨ ਅਤੇ ਫਿਰ ਪੈਸੇ ਦੀ ਮੰਗ ਕਰ ਸਕਦੇ ਹਨ।
READ ALSO; ਕਿਵੇਂ ਜਿੱਤੇਗੀ ਕਾਂਗਰਸ ? ਲੀਡਰਾਂ ਦੀ ਗੱਲ ਸੁਣਨ ਦੀ ਥਾਂ ਵਰਕਰ ਚਾਹ ਪੀਣ ‘ਚ ਮਸਰੂਫ਼
ਜਾਅਲੀ ਨੌਕਰੀ ਸਕੈਮ
ਤੁਸੀਂ ਦੇਖਿਆ ਹੋਵੇਗਾ ਕਿ ਅੱਜਕੱਲ੍ਹ ਇੰਸਟਾਗ੍ਰਾਮ ‘ਤੇ ਨੌਕਰੀਆਂ ਨਾਲ ਸਬੰਧਤ ਕਈ ਇਸ਼ਤਿਹਾਰ ਆਉਂਦੇ ਹਨ। ਕਈ ਵਾਰ ਉਹ ਉਪਭੋਗਤਾਵਾਂ ਨੂੰ ਨਿੱਜੀ ਸੰਦੇਸ਼ ਭੇਜਦੇ ਹਨ ਤੇ ਉਨ੍ਹਾਂ ਨੂੰ ਨੌਕਰੀਆਂ ਦਾ ਲਾਲਚ ਦਿੰਦੇ ਹਨ। ਪਰ ਫਿਰ ਉਹ ਨਿੱਜੀ ਜਾਣਕਾਰੀ ਮੰਗ ਕੇ ਉਨ੍ਹਾਂ ਨਾਲ ਧੋਖਾ ਕਰਦੇ ਹਨ।
ਬਚਣ ਲਈ ਕਰੋ ਇਹਨਾਂ ਸੁਰੱਖਿਆ ਸੁਝਾਵਾਂ ਦਾ ਪਾਲਣ
ਇਸ ਤਰ੍ਹਾਂ ਦੇ ਸਕੈਮ ਤੋਂ ਬਚਣ ਲਈ ਤੁਹਾਨੂੰ ਕੁਝ ਗੱਲਾਂ ਦਾ ਖਾਸ ਧਿਆਨ ਰੱਖਣਾ ਚਾਹੀਦਾ ਹੈ।
ਆਪਣੀ ਨਿੱਜੀ ਜਾਣਕਾਰੀ ਇੰਸਟਾਗ੍ਰਾਮ ‘ਤੇ ਕਿਸੇ ਨਾਲ ਵੀ ਸਾਂਝੀ ਨਾ ਕਰੋ।
ਕਿਸੇ ਵੀ ਲਿੰਕ ‘ਤੇ ਕਲਿੱਕ ਕਰਨ ਤੋਂ ਬਚੋ।
ਜਾਅਲੀ ਖਾਤਿਆਂ ਨੂੰ ਬਲੌਕ ਕਰੋ ਤੇ ਰਿਪੋਰਟ ਕਰੋ।
ਇੱਕ ਮਜ਼ਬੂਤ ਪਾਸਵਰਡ ਦੀ ਵਰਤੋਂ ਤੁਹਾਨੂੰ ਸਕੈਮ ਆਦਿ ਤੋਂ ਕਾਫੀ ਹੱਦ ਤੱਕ ਬਚਾਏਗੀ।
ਜੇ ਸੰਭਵ ਹੋਵੇ, ਤਾਂ ਇੱਕ ਐਂਟੀਵਾਇਰਸ ਐਪ ਦੀ ਵਰਤੋਂ ਕਰੋ।
Cyber fraud
