Tata Motors Commercial
ਸਾਡੇ ਦੇਸ਼ ਦੀ ਸਭ ਤੋਂ ਵੱਡੀ ਕਮਰਸ਼ੀਅਲ ਵਾਹਨ ਕੰਪਨੀ ਟਾਟਾ ਮੋਟਰਜ਼ ਨੇ ਐਲਾਨ ਕੀਤਾ ਹੈ ਕਿ ਉਹ 1 ਅਪ੍ਰੈਲ, 2024 ਤੋਂ ਆਪਣੇ ਕਮਰਸ਼ੀਅਲ ਵਾਹਨਾਂ ਦੀਆਂ ਕੀਮਤਾਂ ਵਿੱਚ 2% ਦਾ ਵਾਧਾ ਕਰੇਗੀ। ਪਿਛਲੀ ਲਾਗਤ ਦੀ ਭਰਪਾਈ ਕਰਨ ਲਈ ਕੀਮਤ ਵਿੱਚ ਵਾਧਾ ਕੀਤਾ ਜਾ ਰਿਹਾ ਹੈ। ਕੰਪਨੀ ਨੇ ਕਿਹਾ ਕਿ ਕੀਮਤ ‘ਚ ਵਾਧਾ ਵੱਖ-ਵੱਖ ਮਾਡਲਾਂ ਅਤੇ ਵੇਰੀਐਂਟ ਦੇ ਹਿਸਾਬ ਨਾਲ ਹੋਵੇਗਾ। ਪਰ, ਇਹ ਕਮਰਸ਼ੀਅਲ ਵਾਹਨਾਂ ਦੀ ਪੂਰੀ ਸ਼੍ਰੇਣੀ ‘ਤੇ ਲਾਗੂ ਹੋਵੇਗਾ। ਟਾਟਾ ਮੋਟਰਜ਼ ਕਮਰਸ਼ੀਅਲ ਵਾਹਨਾਂ ਦੇ ਖੇਤਰ ਵਿੱਚ ਇੱਕ ਵੱਡੀ ਕੰਪਨੀ ਹੈ ਅਤੇ ਕਮਰਸ਼ੀਅਲ ਵਾਹਨ ਬਾਜ਼ਾਰ ਵਿੱਚ ਚੋਟੀ ਦੀਆਂ ਤਿੰਨ ਕੰਪਨੀਆਂ ਵਿੱਚ ਸ਼ਾਮਲ ਹੈ। ਟਾਟਾ ਮੋਟਰਜ਼ ਭਾਰਤ, ਯੂ.ਕੇ., ਯੂ.ਐੱਸ., ਇਟਲੀ ਅਤੇ ਦੱਖਣੀ ਕੋਰੀਆ ਵਿੱਚ ਸਥਿਤ ਅਤਿ-ਆਧੁਨਿਕ ਡਿਜ਼ਾਈਨ ਅਤੇ ਰਿਸਰਚ ਤੇ ਡਿਵੈਲਪਮੈਂਟ ਕੇਂਦਰਾਂ ਦੁਆਰਾ ਸੰਚਾਲਿਤ ਨਵੇਂ ਤੋਂ ਨਵੇਂ ਪ੍ਰਾਡਕਟਸ ਨੂੰ ਲਿਆਉਣ ਦੀ ਕੋਸ਼ਿਸ਼ ਕਰਦਾ ਹੈ ਜੋ GenNext ਗਾਹਕਾਂ ਲਈ ਹੁੰਦੇ ਹਨ।
ਭਾਰਤ ਤੋਂ ਬਾਹਰ ਵੀ ਕਾਰੋਬਾਰ
ਭਾਰਤ, ਯੂਕੇ, ਦੱਖਣੀ ਕੋਰੀਆ, ਥਾਈਲੈਂਡ, ਦੱਖਣੀ ਅਫਰੀਕਾ ਅਤੇ ਇੰਡੋਨੇਸ਼ੀਆ ਵਿੱਚ ਸੰਚਾਲਨ ਦੇ ਨਾਲ, ਟਾਟਾ ਮੋਟਰਜ਼ ਅਫਰੀਕਾ, ਮੱਧ ਪੂਰਬ, ਲਾਤੀਨੀ ਅਮਰੀਕਾ, ਦੱਖਣ ਪੂਰਬੀ ਏਸ਼ੀਆ ਅਤੇ ਸਾਰਕ ਦੇਸ਼ਾਂ ਵਿੱਚ ਆਪਣੇ ਵਾਹਨ ਵੇਚਦੀ ਹੈ। 31 ਮਾਰਚ, 2023 ਤੱਕ, ਟਾਟਾ ਮੋਟਰਜ਼ ਦੇ ਸੰਚਾਲਨ ਵਿੱਚ 88 ਏਕੀਕ੍ਰਿਤ ਸਹਾਇਕ ਕੰਪਨੀਆਂ, ਦੋ ਸੰਯੁਕਤ ਸੰਚਾਲਨ, ਤਿੰਨ ਸੰਯੁਕਤ ਉੱਦਮ ਅਤੇ ਕਈ ਇਕੁਇਟੀ-ਅਕਾਊਂਟਿਡ ਐਸੋਸੀਏਟ ਸ਼ਾਮਲ ਹਨ, ਉਹਨਾਂ ਦੀਆਂ ਸਹਾਇਕ ਕੰਪਨੀਆਂ ਸਮੇਤ, ਜਿਨ੍ਹਾਂ ਉੱਤੇ ਕੰਪਨੀ ਮਹੱਤਵਪੂਰਨ ਪ੍ਰਭਾਵ ਪਾਉਂਦੀ ਹੈ।
ਫਰਵਰੀ 2024 ਦਾ ਮਹੀਨਾ ਟਾਟਾ ਮੋਟਰਜ਼ ਲਈ ਵੀ ਬਹੁਤ ਚੰਗਾ ਰਿਹਾ। ਕਿਉਂਕਿ, ਕੰਪਨੀ ਨੇ ਫਰਵਰੀ 2024 ਦੇ ਮਹੀਨੇ ਹੁੰਡਈ ਨੂੰ ਪਛਾੜ ਕੇ ਦੂਜਾ ਸਥਾਨ ਹਾਸਲ ਕੀਤਾ ਹੈ। ਟਾਟਾ ਨੇ ਪਿਛਲੇ ਮਹੀਨੇ 51,321 ਕਾਰਾਂ ਵੇਚੀਆਂ ਹਨ। ਜਦੋਂ ਕਿ ਪਿਛਲੇ ਮਹੀਨੇ ਹੁੰਡਈ ਦੀ ਕੁੱਲ ਘਰੇਲੂ ਵਿਕਰੀ 50,201 ਯੂਨਿਟ ਰਹੀ ਸੀ। ਕੰਪਨੀ ਦੇ ਪੋਰਟਫੋਲੀਓ ‘ਚ Tata Nexon, Punch, Tiago, Altroz ਅਤੇ Tigor ਵਰਗੇ ਮਾਡਲ ਮੌਜੂਦ ਹਨ, ਜਿਨ੍ਹਾਂ ਦੀ ਵਿਕਰੀ ਲਗਾਤਾਰ ਵੱਧ ਰਹੀ ਹੈ।
Tata Motors Commercial
