Haryana Minister Anil Vij
ਹਰਿਆਣਾ ਦੇ ਟਰਾਂਸਪੋਰਟ ਅਤੇ ਊਰਜਾ ਮੰਤਰੀ ਅਨਿਲ ਵਿੱਜ ਸ਼ੁੱਕਰਵਾਰ ਨੂੰ ਸਿਰਸਾ ਵਿੱਚ ਹਨ। ਉਹ ਬਾਅਦ ਦੁਪਹਿਰ ਇੱਥੇ ਜ਼ਿਲ੍ਹਾ ਲੋਕ ਸੰਪਰਕ ਤੇ ਸ਼ਿਕਾਇਤ ਨਿਵਾਰਨ ਕਮੇਟੀ ਦੀ ਮੀਟਿੰਗ ਕਰਨਗੇ। ਇਹ ਮੀਟਿੰਗ ਬਰਨਾਲਾ ਰੋਡ ’ਤੇ ਸਥਿਤ ਪੰਚਾਇਤ ਭਵਨ ਵਿੱਚ ਹੋਵੇਗੀ। ਇਸ ਤੋਂ ਪਹਿਲਾਂ ਜਦੋਂ ਅਨਿਲ ਵਿੱਜ ਸੂਬੇ ਦੇ ਗ੍ਰਹਿ ਮੰਤਰੀ ਸਨ ਤਾਂ ਉਹ ਸ਼ਿਕਾਇਤ ਨਿਵਾਰਨ ਕਮੇਟੀ ਦੀ ਮੀਟਿੰਗ ਵਿੱਚ ਸ਼ਾਮਲ ਹੋਣ ਲਈ ਸਿਰਸਾ ਆਏ ਸਨ। ਇਸ ਮੀਟਿੰਗ ਵਿੱਚ ਅਨਿਲ ਵਿਜ ਨੇ ਚਾਰ ਪੁਲਿਸ ਮੁਲਾਜ਼ਮਾਂ ਨੂੰ ਮੁਅੱਤਲ ਕਰ ਦਿੱਤਾ ਸੀ, ਜਿਸ ਕਾਰਨ ਪ੍ਰਸ਼ਾਸਨਿਕ ਅਧਿਕਾਰੀ ਮੰਤਰੀ ਅਨਿਲ ਵਿਜ ਤੋਂ ਡਰੇ ਹੋਏ ਹਨ।
ਸਿਰਸਾ ਪ੍ਰਸ਼ਾਸਨ ਨੇ ਵੀਰਵਾਰ ਨੂੰ ਹੀ ਅਨਿਲ ਵਿੱਜ ਦੀ ਆਮਦ ਨੂੰ ਲੈ ਕੇ ਸਾਰੀਆਂ ਤਿਆਰੀਆਂ ਮੁਕੰਮਲ ਕਰ ਲਈਆਂ ਸਨ। ਸਿਰਸਾ ਰੋਡਵੇਜ਼ ਡਿਪੂ ਅਤੇ ਬਿਜਲੀ ਨਿਗਮ ਦੇ ਅਧਿਕਾਰੀਆਂ ਨੇ ਜੋ ਵੀ ਛੋਟੀਆਂ-ਮੋਟੀਆਂ ਕਮੀਆਂ ਸਨ, ਉਨ੍ਹਾਂ ਨੂੰ ਠੀਕ ਕੀਤਾ। ਟਰਾਂਸਪੋਰਟ ਮੰਤਰੀ ਅਨਿਲ ਵਿਜ ਸ਼ਿਕਾਇਤ ਨਿਵਾਰਨ ਕਮੇਟੀ ਦੀ ਬੈਠਕ ‘ਚ 16 ਸ਼ਿਕਾਇਤਾਂ ‘ਤੇ ਸੁਣਵਾਈ ਕਰਨਗੇ। ਇਨ੍ਹਾਂ 16 ਸ਼ਿਕਾਇਤਾਂ ਵਿੱਚੋਂ 4 ਸ਼ਿਕਾਇਤਾਂ ਪੁਲੀਸ ਵਿਭਾਗ ਦੀਆਂ ਹਨ। ਅਨਿਲ ਵਿੱਜ ਵੀ ਜਾਂਚ ਲਈ ਸਿਰਸਾ ਦੇ ਬੱਸ ਸਟੈਂਡ ਜਾਂ ਬਿਜਲੀ ਨਿਗਮ ਦੇ ਦਫ਼ਤਰ ਜਾ ਸਕਦੇ ਹਨ।
Read Also : ਦਿੱਲੀ ਦੇ 80000 ਲੋਕਾਂ ਲਈ ਨਵੇਂ ਸਾਲ ਦਾ ਤੋਹਫ਼ਾ ,ਹਰ ਮਹੀਨੇ ਮਿਲਣਗੇ 2000 ਤੋਂ 2500 ਰੁਪਏ , ਜਾਣੋ ਕੀ ਹੈ ਸਕੀਮ
Haryana Minister Anil Vij
