ਸ਼ਿਮਲਾ ‘ਚ ਜ਼ਮੀਨ ਖਿਸਕਣ ਕਾਰਨ ਡਿੱਗਿਆ ਮੰਦਰ, ਹੁਣ ਤੱਕ 2 ਬੱਚਿਆਂ ਸਮੇਤ 9 ਦੀ ਮੌਤ

Landslide in Shimla: ਹਿਮਾਚਲ ਪ੍ਰਦੇਸ਼ ਦੀ ਰਾਜਧਾਨੀ ਸ਼ਿਮਲਾ ਵਿੱਚ ਇੱਕ ਵੱਡਾ ਹਾਦਸਾ ਵਾਪਰਿਆ ਹੈ। ਸੋਮਵਾਰ ਸਵੇਰੇ 7 ਵਜੇ ਤੇਜ਼ ਮੀਂਹ ਕਾਰਨ ਸ਼ਿਵ ਬਾਵੜੀ ਮੰਦਰ ਦਾ ਮੰਦਰ ਭੂ-ਖਿਸਕਣ ਕਾਰਨ ਢਿੱਗਾਂ ਦੀ ਲਪੇਟ ‘ਚ ਆ ਗਿਆ। ਇਸ ਕਾਰਨ ਇੱਥੇ ਮੌਜੂਦ 25 ਤੋਂ ਵੱਧ ਲੋਕ ਮਲਬੇ ਹੇਠ ਦੱਬ ਗਏ। ਹੁਣ ਤੱਕ 2 ਬੱਚਿਆਂ ਸਮੇਤ 9 ਲਾਸ਼ਾਂ ਕੱਢੀਆਂ ਗਈਆਂ ਹਨ। ਬਾਕੀਆਂ ਦੀ ਭਾਲ ਜਾਰੀ ਹੈ।

ਇਹ ਮੰਦਿਰ ਸ਼ਿਮਲਾ ਦੇ ਉਪਨਗਰ ਬਾਲਗੰਜ ਖੇਤਰ ਵਿੱਚ ਸਮਰਹਿਲ ਉੱਤੇ ਸਥਿਤ ਹੈ। ਮੌਕੇ ‘ਤੇ ਰਾਹਤ ਅਤੇ ਬਚਾਅ ਕਾਰਜ ਜਾਰੀ ਹੈ। ਸਾਉਣ ਮਹੀਨੇ ਦੇ ‘ਸੋਮਵਾਰ ਹੋਣ ਕਰਕੇ ਮੰਦਰ ਵਿੱਚ ਸਵੇਰ ਤੋਂ ਤੋਂ ਹੀ ਭੀੜ ਸੀ।

ਇਹ ਵੀ ਪੜ੍ਹੋ: ਪ੍ਰਧਾਨ ਮੰਤਰੀ ਦੇ ਭਾਸ਼ਣ ਤੋਂ ਬਾਅਦ ਰਾਹੁਲ ਗਾਂਧੀ ਦੀ ਪ੍ਰੈੱਸ ਕਾਨਫਰੰਸ: ਪ੍ਰਧਾਨ ਮੰਤਰੀ ਮਨੀਪੁਰ ਨੂੰ ਜਲਾਉਣਾ ਚਾਹੁੰਦੇ ਹਨ, ਬਚਾਉਣਾ ਨਹੀਂ

ਭਾਰੀ ਮੀਂਹ ਕਾਰਨ ਬਚਾਅ ਕਾਰਜਾਂ ‘ਚ ਦਿੱਕਤ ਆ ਰਹੀ ਹੈ। ਪਹਾੜੀ ਤੋਂ ਪੱਥਰ ਅਜੇ ਵੀ ਡਿੱਗ ਰਹੇ ਹਨ। ਮਲਬੇ ਦੇ ਨਾਲ ਮੰਦਰ ਦੇ ਉੱਪਰ ਚਾਰ ਤੋਂ ਪੰਜ ਦਰੱਖਤ ਡਿੱਗ ਗਏ। ਇਸ ਤੋਂ ਵੱਧ ਨੁਕਸਾਨ ਹੋਇਆ ਹੈ। NDRF ਦੀ ਟੀਮ ਬਚਾਅ ‘ਚ ਲੱਗੀ ਹੋਈ ਹੈ।Landslide in Shimla:

ਮੰਦਰ ਵਿੱਚ ਦੱਬੇ ਇੱਕ ਵਿਅਕਤੀ ਨੇ ਆਪਣੇ ਰਿਸ਼ਤੇਦਾਰ ਨੂੰ ਫੋਨ ਕਰਕੇ ਜਲਦੀ ਤੋਂ ਜਲਦੀ ਬਚਾਉਣ ਦੀ ਅਪੀਲ ਵੀ ਕੀਤੀ ਹੈ।

ਸੀਐਮ ਸੁਖਵਿੰਦਰ ਸਿੰਘ ਸੁੱਖੂ ਵੀ ਮੌਕੇ ‘ਤੇ ਪਹੁੰਚੇ। ਉਨ੍ਹਾਂ ਕਿਹਾ ਕਿ ਸਥਾਨਕ ਪ੍ਰਸ਼ਾਸਨ ਮਲਬੇ ਨੂੰ ਹਟਾਉਣ ਲਈ ਕੰਮ ਕਰ ਰਿਹਾ ਹੈ। ਫਸੇ ਲੋਕਾਂ ਨੂੰ ਬਾਹਰ ਕੱਢਿਆ ਜਾ ਰਿਹਾ ਹੈ। ਦੂਜੇ ਪਾਸੇ ਸੀਐਮ ਦੇ ਮੀਡੀਆ ਸਲਾਹਕਾਰ ਨਰੇਸ਼ ਚੌਹਾਨ ਨੇ ਦੱਸਿਆ ਕਿ 10 ਤੋਂ 15 ਲੋਕਾਂ ਦੇ ਫਸੇ ਹੋਣ ਦਾ ਖਦਸ਼ਾ ਹੈ।Landslide in Shimla: