India-Afghanistan T-20 series ਟੀਮ ਇੰਡੀਆ ਅਗਲੇ ਸਾਲ ਅਫਗਾਨਿਸਤਾਨ ਨਾਲ ਟੀ-20 ਸੀਰੀਜ਼ ਖੇਡ ਕੇ ਘਰੇਲੂ ਸੈਸ਼ਨ ਦੀ ਸ਼ੁਰੂਆਤ ਕਰੇਗੀ। ਟੀਮ ਜਨਵਰੀ ਮਹੀਨੇ ‘ਚ ਅਫਗਾਨਿਸਤਾਨ ਦੀ ਟੀਮ ਖਿਲਾਫ 3 ਟੀ-20 ਮੈਚਾਂ ਦੀ ਸੀਰੀਜ਼ ਖੇਡੇਗੀ।
ਮੰਗਲਵਾਰ ਨੂੰ ਅਫਗਾਨਿਸਤਾਨ ਕ੍ਰਿਕਟ ਬੋਰਡ ਨੇ ਇਸ ਸੀਰੀਜ਼ ਦਾ ਸ਼ਡਿਊਲ ਜਾਰੀ ਕੀਤਾ ਹੈ। ਸੀਰੀਜ਼ ਦਾ ਪਹਿਲਾ ਮੈਚ 11 ਜਨਵਰੀ ਨੂੰ ਮੋਹਾਲੀ ‘ਚ, ਦੂਜਾ 14 ਜਨਵਰੀ ਨੂੰ ਇੰਦੌਰ ‘ਚ ਅਤੇ ਤੀਜਾ 17 ਜਨਵਰੀ ਨੂੰ ਬੈਂਗਲੁਰੂ ‘ਚ ਖੇਡਿਆ ਜਾਵੇਗਾ।
BCCI ਅਫਗਾਨਿਸਤਾਨ ਦੇ ਖਿਲਾਫ ਨੌਜਵਾਨ ਟੀਮ ਨੂੰ ਮੈਦਾਨ ‘ਚ ਉਤਾਰ ਸਕਦਾ ਹੈ
BCCI ਅਫਗਾਨਿਸਤਾਨ ਦੇ ਖਿਲਾਫ ਨੌਜਵਾਨ ਖਿਡਾਰੀਆਂ ਦੀ ਟੀਮ ਨੂੰ ਮੈਦਾਨ ‘ਚ ਉਤਾਰ ਸਕਦਾ ਹੈ, ਕਿਉਂਕਿ ਇਸ ਸੀਰੀਜ਼ ਤੋਂ ਪਹਿਲਾਂ ਟੀਮ ਇੰਡੀਆ ਨੂੰ ਦੱਖਣੀ ਅਫਰੀਕਾ ਦੌਰੇ ‘ਤੇ ਜਾਣਾ ਹੈ, ਜਿੱਥੇ ਸਾਰੇ ਫਾਰਮੈਟ ਦੀ ਸੀਰੀਜ਼ ਖੇਡੀ ਜਾਣੀ ਹੈ। ਅਜਿਹੇ ‘ਚ ਪੂਰੀ ਤਾਕਤਵਰ ਟੀਮ ਅਫਰੀਕਾ ਦੌਰੇ ‘ਤੇ ਜਾਵੇਗੀ। ਅਜਿਹੇ ‘ਚ ਚੋਣਕਾਰ ਸਾਲ ਦੇ ਪਹਿਲੇ ਹੋਮ ਅਸਾਈਨਮੈਂਟ ‘ਤੇ ਸੀਨੀਅਰ ਨੂੰ ਆਰਾਮ ਦੇ ਸਕਦੇ ਹਨ।
READ ALSO : ਭਾਰਤੀ ਕ੍ਰਿਕਟ ਟੀਮ ਨੇ ਵਿਸ਼ਵ ਕੱਪ ਲਈ ਆਪਣੇ ਆਪ ਨੂੰ ਕਿਵੇਂ ਰੱਖਿਆ ਫਿੱਟ? ਜਾਣੋ ਵਿਰਾਟ ਕੋਹਲੀ ‘ਤੇ ਰੋਹਿਤ ਸ਼ਰਮਾ ਦਾ ਡਾਈਟ ਪਲਾਨ
ਅਫਗਾਨਿਸਤਾਨ ਖਿਲਾਫ ਸੀਰੀਜ਼ ਤੋਂ ਬਾਅਦ ਟੀਮ ਇੰਡੀਆ ਨੂੰ ਇੰਗਲੈਂਡ ਦੇ ਨਾਲ 5 ਟੈਸਟ ਮੈਚਾਂ ਦੀ ਸੀਰੀਜ਼ ਖੇਡਣੀ ਹੈ। ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ ਦੇ ਨਜ਼ਰੀਏ ਤੋਂ ਅਫਰੀਕਾ ਅਤੇ ਇੰਗਲੈਂਡ ਖਿਲਾਫ ਸੀਰੀਜ਼ ਮਹੱਤਵਪੂਰਨ ਹੈ।
ਆਸਟ੍ਰੇਲੀਆ ਖਿਲਾਫ ਵੀ ਚੁਣੀ ਗਈ ਯੂਥ ਟੀਮ, ਸੂਰਿਆ ਕਪਤਾਨ
ਇੱਕ ਦਿਨ ਪਹਿਲਾਂ ਹੀ ਭਾਰਤੀ ਬੋਰਡ ਨੇ ਆਸਟ੍ਰੇਲੀਆ ਖਿਲਾਫ 5 ਟੀ-20 ਮੈਚਾਂ ਦੀ ਸੀਰੀਜ਼ ਲਈ ਨੌਜਵਾਨਾਂ ਨਾਲ ਭਰਪੂਰ ਟੀਮ ਇੰਡੀਆ ਦਾ ਐਲਾਨ ਕੀਤਾ ਹੈ। ਇਸ ਟੀਮ ਦੀ ਕਮਾਨ ਸੂਰਿਆਕੁਮਾਰ ਯਾਦਵ ਨੂੰ ਸੌਂਪੀ ਗਈ ਹੈ, ਜਦੋਂ ਕਿ ਰਿਤੂਰਾਜ ਗਾਇਕਵਾੜ ਨੂੰ ਡਿਪਟੀ ਬਣਾਇਆ ਗਿਆ ਹੈ।
ਵਿਸ਼ਵ ਕੱਪ ਫਾਈਨਲ ਵਿੱਚ ਕਰਾਰੀ ਹਾਰ
ਭਾਰਤੀ ਟੀਮ ਨੂੰ ਦੋ ਦਿਨ ਪਹਿਲਾਂ ਵਿਸ਼ਵ ਕੱਪ ਫਾਈਨਲ ਵਿੱਚ ਆਸਟਰੇਲੀਆ ਖ਼ਿਲਾਫ਼ 6 ਵਿਕਟਾਂ ਦੀ ਕਰਾਰੀ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ। ਅਹਿਮਦਾਬਾਦ ‘ਚ 19 ਨਵੰਬਰ ਨੂੰ ਖੇਡੇ ਗਏ ਫਾਈਨਲ ਮੈਚ ‘ਚ ਆਸਟ੍ਰੇਲੀਆ ਨੇ 43 ਓਵਰਾਂ ‘ਚ 4 ਵਿਕਟਾਂ ‘ਤੇ 241 ਦੌੜਾਂ ਦਾ ਟੀਚਾ ਹਾਸਲ ਕਰ ਲਿਆ ਸੀ। India-Afghanistan T-20 series
