ਆਟੇ ਤੋਂ ਬਾਅਦ ਹੁਣ ਭਾਰਤ ਬ੍ਰਾਂਡ ਦੇ ਤਹਿਤ ਸਰਕਾਰ ਵੇਚੇਗੀ ਸਸਤੇ ਚੌਲ, ਜਲਦ ਹੋਵੇਗਾ ਐਲਾਨ

Bharat Brand Rice

ਦੇਸ਼ ਵਿੱਚ ਚੌਲਾਂ ਦੀਆਂ ਕੀਮਤਾਂ ਵਿੱਚ ਵਾਧਾ ਹੋਇਆ ਹੈ। ਚੌਲਾਂ ਦੀਆਂ ਕੀਮਤਾਂ ‘ਤੇ ਕਾਬੂ ਪਾਉਣ ਲਈ ਸਰਕਾਰ ਹੁਣ ‘ਭਾਰਤ’ ਬ੍ਰਾਂਡ ਦੇ ਤਹਿਤ ਐਫਸੀਆਈ ਚੌਲ ਵੇਚਣ ਦੇ ਪ੍ਰਸਤਾਵ ‘ਤੇ ਵਿਚਾਰ ਕਰ ਰਹੀ ਹੈ।ਇਸ ਪ੍ਰਸਤਾਵ ਦੀ ਜਾਣਕਾਰੀ ਖੁਰਾਕ ਮੰਤਰਾਲੇ ਦੇ ਇਕ ਅਧਿਕਾਰੀ ਨੇ ਦਿੱਤੀ ਹੈ। ਅਧਿਕਾਰੀ ਨੇ ਕਿਹਾ ਕਿ ਇਸ ਦੀਆਂ ਰਿਆਇਤੀ ਦਰਾਂ ਅਜੇ ਤੈਅ ਨਹੀਂ ਕੀਤੀਆਂ ਗਈਆਂ ਹਨ। ਇਸ ਤੋਂ ਪਹਿਲਾਂ ਸਰਕਾਰ ਨੇ ਓਪਨ ਮਾਰਕੀਟ ਸੇਲ ਸਕੀਮ ਤਹਿਤ ਈ-ਨਿਲਾਮੀ ਰਾਹੀਂ ਚੌਲਾਂ ਦੀ ਵਿਕਰੀ ਸ਼ੁਰੂ ਕੀਤੀ ਸੀ।

ਸਰਕਾਰ ਨੇ ਚੌਲਾਂ ਦੀਆਂ ਕੀਮਤਾਂ ਘਟਾਉਣ ਲਈ ਇਹ ਕਦਮ ਚੁੱਕਿਆ ਸੀ, ਪਰ ਪ੍ਰਤੀਕਿਰਿਆ ਇੰਨੀ ਚੰਗੀ ਨਹੀਂ ਸੀ। ਬੁੱਧਵਾਰ ਨੂੰ ਮੰਤਰਾਲੇ ਦੇ ਇਕ ਅਧਿਕਾਰੀ ਨੇ ਪੀਟੀਆਈ ਏਜੰਸੀ ਨੂੰ ਦੱਸਿਆ ਕਿ ਭਾਰਤ ਬ੍ਰਾਂਡ ਦੇ ਚੌਲਾਂ ਦੀ ਪ੍ਰਚੂਨ ਵਿਕਰੀ ਦਾ ਪ੍ਰਸਤਾਵ ਹੈ, ਪਰ ਅਜੇ ਤੱਕ ਇਸ ਦੀ ਕੋਈ ਕੀਮਤ ਤੈਅ ਨਹੀਂ ਕੀਤੀ ਗਈ ਹੈ।

ਇਹ ਵੀ ਪੜ੍ਹੋ: ਪੰਜਾਬ ’ਚ ਸੰਘਣੀ ਧੁੰਦ ਨੂੰ ਲੈਕੇ ਰੈੱਡ ਅਲਰਟ, ਸੜਕ ਤੋਂ ਹਵਾਈ ਆਵਾਜਾਈ ਤੱਕ ਪ੍ਰਭਾਵਿਤ

• OMSS ਦੇ ਤਹਿਤ, ਭਾਰਤੀ ਖੁਰਾਕ ਨਿਗਮ (FCI) ਨੇ 29 ਰੁਪਏ ਪ੍ਰਤੀ ਕਿਲੋ ਦੇ ਹਿਸਾਬ ਨਾਲ ਗੁਣਵੱਤਾ ਵਾਲੇ ਚੌਲ ਖਰੀਦਣ ਦੀ ਪੇਸ਼ਕਸ਼ ਕੀਤੀ ਹੈ।
• ਭਾਰਤ ਬ੍ਰਾਂਡ ਇਨ੍ਹਾਂ ਚੌਲਾਂ ਨੂੰ ਘੱਟ ਜਾਂ ਉਸੇ ਰੇਟ ‘ਤੇ ਵੇਚੇਗਾ। ਇਸ ਦਾ ਫੈਸਲਾ ਮੰਤਰਾਲੇ ਵੱਲੋਂ ਲਿਆ ਜਾਵੇਗਾ। ਸਰਕਾਰ ਪਹਿਲਾਂ ਹੀ ਭਾਰਤ ਬ੍ਰਾਂਡ ਦੇ ਤਹਿਤ ਕਣਕ ਦਾ ਆਟਾ ਅਤੇ ਦਾਲਾਂ ਵੇਚ ਰਹੀ ਸੀ।
• ਇਹ ਨੈਸ਼ਨਲ ਐਗਰੀਕਲਚਰਲ ਕੋਆਪਰੇਟਿਵ ਮਾਰਕੀਟਿੰਗ ਫੈਡਰੇਸ਼ਨ ਆਫ ਇੰਡੀਆ (ਨੈਫੇਡ), ਨੈਸ਼ਨਲ ਕੋਆਪਰੇਟਿਵ ਕੰਜ਼ਿਊਮਰ ਫੈਡਰੇਸ਼ਨ (ਐਨਸੀਸੀਐਫ) ਅਤੇ ਕੇਂਦਰੀ ਭੰਡਾਰ ਦੀਆਂ ਦੁਕਾਨਾਂ ਵਿੱਚ ਵੇਚਿਆ ਜਾ ਰਿਹਾ ਸੀ।
• ਇਸ ਸਾਲ ਇਹ OMSS ਤਹਿਤ ਸਿਰਫ਼ 3.04 ਲੱਖ ਟਨ ਚੌਲ ਹੀ ਵੇਚ ਸਕਿਆ ਹੈ। ਸਰਕਾਰੀ ਅੰਕੜਿਆਂ ਅਨੁਸਾਰ ਕਣਕ ਦੇ ਮਾਮਲੇ ਵਿੱਚ, ਨੋਡਲ ਏਜੰਸੀ ਨੇ OMSS ਤਹਿਤ 82.89 ਲੱਖ ਟਨ ਕਣਕ ਵੇਚੀ ਹੈ।
• ਚੌਲਾਂ ਦੀ ਮਹਿੰਗਾਈ ਸਾਲਾਨਾ ਆਧਾਰ ‘ਤੇ 13 ਫੀਸਦੀ ‘ਤੇ ਹੈ। ਸਰਕਾਰ 2024 ਦੀਆਂ ਆਮ ਚੋਣਾਂ ਤੋਂ ਪਹਿਲਾਂ ਭੋਜਨ ਦੀਆਂ ਮੁੱਖ ਕੀਮਤਾਂ ਵਧਣ ਤੋਂ ਚਿੰਤਤ ਹੈ। Bharat Brand Rice