Delhi Air Pollution
ਰਾਜਧਾਨੀ ਦਿੱਲੀ ਗੈਸ ਚੈਂਬਰ ਬਣ ਗਈ ਹੈ। ਐਤਵਾਰ ਰਾਤ 8 ਵਜੇ ਜਦੋਂ ਕੇਂਦਰੀ ਪ੍ਰਦੂਸ਼ਣ ਕੰਟਰੋਲ ਬੋਰਡ ਦਿੱਲੀ ਦਾ AQI 441 ਦਿਖਾ ਰਿਹਾ ਸੀ, ਉਸੇ ਸਮੇਂ ਸਵਿਸ ਕੰਪਨੀ IQAir ਦੀ ਐਪ ‘ਚ ਇਹ ਅੰਕੜਾ ਇੰਨੇ ਖ਼ਤਰਨਾਕ ਪੱਧਰ ਨੂੰ ਛੂਹ ਰਿਹਾ ਸੀ, ਜਿਸ ਦੀ ਅਸੀਂ ਕਲਪਨਾ ਵੀ ਨਹੀਂ ਕਰ ਸਕਦੇ। ਇਹ 1,121 ਦੇ ਪੱਧਰ ਨੂੰ ਛੂਹ ਰਿਹਾ ਸੀ ਜੋ ਰਾਤ 9:30 ਵਜੇ 1,282 ਤੱਕ ਪਹੁੰਚ ਗਿਆ।
ਐਨਸੀਆਰ ਦੇ ਹੋਰ ਸ਼ਹਿਰਾਂ ਦੀ ਗੱਲ ਕਰੀਏ ਤਾਂ ਇਸ ਸਮੇਂ ਹਰਿਆਣਾ ਦੇ ਬਹਾਦਰਗੜ੍ਹ ਵਿੱਚ AQI 707, ਗੁਰੂਗ੍ਰਾਮ ਵਿੱਚ 829, ਗਾਜ਼ੀਆਬਾਦ ਵਿੱਚ 651 ਅਤੇ ਨੋਇਡਾ ਵਿੱਚ 418 ਦਰਜ ਕੀਤਾ ਗਿਆ ਸੀ। ਜਦੋਂਕਿ ਇਨ੍ਹਾਂ ਸ਼ਹਿਰਾਂ ਵਿੱਚ ਪ੍ਰਦੂਸ਼ਣ ਕੰਟਰੋਲ ਬੋਰਡ ਵੱਲੋਂ ਦਿਖਾਏ ਗਏ ਹਵਾ ਦੀ ਗੁਣਵੱਤਾ ਦੇ ਅੰਕੜੇ ਬਿਲਕੁਲ ਵੀ ਮੇਲ ਨਹੀਂ ਖਾਂਦੇ। ਇਸ ਦੇ ਨਾਲ ਹੀ ਅੱਜ ਸਵੇਰੇ ਦਿੱਲੀ ਦਾ ਔਸਤ AQI 481 ਦਰਜ ਕੀਤਾ ਗਿਆ ਹੈ। ਇਸ ਤੋਂ ਇਲਾਵਾ ਦਿੱਲੀ ਦੇ ਆਨੰਦ ਵਿਹਾਰ ਵਿੱਚ AQI 624 ਦਰਜ ਕੀਤਾ ਗਿਆ।
ਪੱਛਮੀ ਗੜਬੜੀ ਕਾਰਨ ਪਹਾੜਾਂ ‘ਤੇ ਬਰਫ਼ਬਾਰੀ
AQI ਪੱਧਰ ਦੇ ਇਹ ਵੱਖ-ਵੱਖ ਪੈਮਾਨੇ ਦੇਸ਼ ਵਿੱਚ ਹਵਾ ਦੀ ਗੁਣਵੱਤਾ ਨੂੰ ਮਾਪਣ ਲਈ ਵਰਤੇ ਜਾਣ ਵਾਲੇ ਯੰਤਰਾਂ ‘ਤੇ ਵੀ ਸਵਾਲ ਖੜ੍ਹੇ ਕਰਦੇ ਹਨ। ਦਿੱਲੀ ਦੀ ਗੱਲ ਕਰੀਏ ਤਾਂ IQAir ‘ਚ AQI ਸ਼ਾਮ 5 ਵਜੇ 500 ਸੀ, ਜੋ ਰਾਤ 8 ਵਜੇ 1,121 ‘ਤੇ ਪਹੁੰਚ ਗਿਆ। ਇਸ ਦਾ ਇੱਕ ਵੱਡਾ ਕਾਰਨ ਹਵਾ ਦਾ ਅਚਾਨਕ ਸ਼ਾਂਤ ਹੋਣਾ ਮੰਨਿਆ ਜਾ ਰਿਹਾ ਹੈ। ਆਈਐਮਡੀ ਦੇ ਮੌਸਮ ਵਿਗਿਆਨੀ ਆਰਕੇ ਜੇਨਾਮਾਨੀ ਅਨੁਸਾਰ ਪੱਛਮੀ ਗੜਬੜੀ ਦੇ ਪ੍ਰਭਾਵ ਕਾਰਨ ਪਹਾੜਾਂ ਵਿੱਚ ਬਰਫ਼ਬਾਰੀ ਅਤੇ ਮੀਂਹ ਪਿਆ ਹੈ।
ਇਸ ਕਾਰਨ ਉੱਤਰ-ਪੱਛਮੀ ਹਵਾ ਦੇ ਨਾਲ ਨਮੀ ਅਤੇ ਠੰਢਕ ਵੀ ਆ ਰਹੀ ਹੈ। ਅਜਿਹੇ ‘ਚ ਧੁੰਦ ਦਾ ਪੱਧਰ ਵਧਦਾ ਜਾ ਰਿਹਾ ਹੈ। ਰਾਤ ਨੂੰ ਵੀ ਦਰਮਿਆਨੀ ਤੋਂ ਸੰਘਣੀ ਧੁੰਦ ਦੇਖੀ ਜਾ ਸਕਦੀ ਹੈ। ਸਵੇਰੇ ਸੰਘਣੀ ਧੁੰਦ ਵੀ ਪੈ ਸਕਦੀ ਹੈ। ਜਿਵੇਂ-ਜਿਵੇਂ ਧੁੰਦ ਵਧਦੀ ਹੈ ਅਤੇ ਹਵਾ ਹੌਲੀ ਹੁੰਦੀ ਹੈ, ਪ੍ਰਦੂਸ਼ਣ ਦਾ ਪੱਧਰ ਵੀ ਵਧਦਾ ਹੈ।
ਇਨ੍ਹਾਂ ਖੇਤਰਾਂ ਵਿੱਚ ਐਤਵਾਰ ਨੂੰ ਸਭ ਤੋਂ ਵੱਧ AQI
ਸਥਾਨ AQI CBCB AQI IQAir
ਦਿੱਲੀ 441 1,282
ਗਾਜ਼ੀਆਬਾਦ
362 651
ਫਰੀਦਾਬਾਦ 275 263
ਗੁਰੂਗ੍ਰਾਮ 310 829
ਨੋਇਡਾ 316 418
ਬਹਾਦੁਰਗੜ੍ਹ 482 707
Read Also ; ਠੰਡ ਦੇ ਵਿੱਚ ਜਾਣੋ ਕਿਉ ਵੱਧਦਾ ਹੈ ਸਟ੍ਰੋਕ ਦਾ ਖ਼ਤਰਾ ! ਦਿਮਾਗ਼ ਨੂੰ ਸਿਹਤਮੰਦ ਰੱਖਣ ਲਈ ਜੀਵਨਸ਼ੈਲੀ ‘ਚ ਕਰੋ ਇਹ ਬਦਲਾਅ ..
ਭਾਵੇਂ IQAir NCR ਵਿੱਚ AQI ਨੂੰ ਖ਼ਤਰਨਾਕ ਦਰਸਾਉਂਦਾ ਹੈ, ਪਰ ਇਹ ਦੂਜੇ ਸ਼ਹਿਰਾਂ ਵਿੱਚ ਅਜਿਹੀ ਸਥਿਤੀ ਨਹੀਂ ਦਿਖਾਉਂਦਾ। ਇਸ ਲਈ ਸ਼ੱਕ ਕਰਨ ਦਾ ਕੋਈ ਕਾਰਨ ਨਹੀਂ ਹੈ। ਰਾਤ 9:30 ਵਜੇ ਇਸ ਐਪ ‘ਤੇ ਕਾਨਪੁਰ ‘ਚ AQI 156 ਅਤੇ ਹਰਿਦੁਆਰ ‘ਚ 153 ਦਰਜ ਕੀਤਾ ਗਿਆ। ਇੰਨਾ ਹੀ ਨਹੀਂ ਫਰੀਦਾਬਾਦ ਵਿੱਚ AQI 263 ਅਤੇ ਸੋਨੀਪਤ ਵਿੱਚ 211 ਸੀ।
Delhi Air Pollution
