ਭਾਰਤ ਦੇ ਦੋ ਦਿੱਗਜ ਖਿਡਾਰੀਆਂ ਵਿਰਾਟ ਕੋਹਲੀ ਤੇ ਗੌਤਮ ਗੰਭੀਰ ਵਿਚਾਲੇ ਆਈ.ਪੀ.ਐੱਲ. ਮੈਚ ਤੋਂ ਬਾਅਦ ਮੈਦਾਨ ਵਿਚ ਹੋਈ ਲੜਾਈ ਤੋਂ ਬਾਅਦ ਇਕ ਵਾਰ ਮੁੜ ਜਨਤਕ ਹੋ ਗਿਆ ਕਿ ਇਕ ਦੂਜੇ ਲਈ ਦੋਵਾਂ ਦੇ ਮਨ ਵਿਚ ਕਿੰਨੀ ਕੁੜੱਤਨ ਹੈ। ਕੈਮਰੇ ਵਿਚ ਕੈਦ ਹੋਈ ਇਸ ਲੜਾਈ ਵਿਚ ਦੋਵਾਂ ਵਿਚਾਲੇ ਕਾਫ਼ੀ ਗਾਲੀ-ਗਲੋਚ ਵੀ ਹੋਈ। Kohli vs Gambhir
ਰਾਇਲ ਚੈਲੰਜਰਜ਼ ਬੈਂਗਲੁਰੂ ਤੇ ਲਖ਼ਨਊ ਸੁਪਰ ਜਾਇੰਟਸ ਵਿਚਾਲੇ ਸੋਮਵਾਰ ਰਾਤ ਹੋਏ ਮੈਚ ਦੌਰਾਨ ਹੋਈ ਇਸ ਝੜਪ ਦੀ ਸ਼ੁਰੂਆਤ ਕਿੱਥੋਂ ਹੋਈ, ਇਸ ਨੂੰ ਲੈ ਕੇ ਉੱਥੇ ਮੌਜੂਦ ਲੋਕਾਂ ਦੀ ਵੱਖ-ਵੱਖ ਸੋਚ ਹੈ। ਕੁੱਝ ਇਸ ਨੂੰ ਬਚਪਨਾ ਕਹਿ ਰਹੇ ਹਨ ਤਾਂ ਕੁੱਜ ਲੋਕਾਂ ਨੂੰ ਇਸ ਮੁਕਬਾਲੇਬਾਜ਼ੀ ਤੋਂ ਮਸਾਲਾ ਮਿਲ ਰਿਹਾ ਹੈ, ਜਦਕਿ ਕੁੱਝ ਦਾ ਮੰਨਣਾ ਹੈ ਕਿ ਖੇਡ ਵਿਚ ਅਜਿਹੀਆਂ ਘਟਨਾਵਾਂ ਤੋਂ ਬਚਣਾ ਚਾਹੀਦਾ ਹੈ। ਹੁਣ ਟੀਮ ਦੇ ਇਕ ਖਿਡਾਰੀ ਨੇ ਦੋਵਾਂ ਵਿਚਾਲੇ ਬਹਿਸਬਾਜ਼ੀ ਦੌਰਾਨ ਹੋਈਆਂ ਗੱਲਾਂ ਬਾਰੇ ਦੱਸਿਆ ਹੈ। Kohli vs Gambhir
ਇਕ ਟੀਮ ਵਿਚ ਸ਼ਾਮਲ ਪ੍ਰਤੱਖਦਰਸ਼ੀ ਨੇ ਕਿਹਾ, “ਤੁਸੀਂ ਟੀ.ਵੀ. ‘ਤੇ ਵੇਖਿਆ ਕਿ ਕਾਇਲ ਮਾਇਰਸ ਤੇ ਕੋਹਲੀ ਮੈਚ ਤੋਂ ਬਾਅਦ ਕੁੱਝ ਦੇਰ ਤਕ ਇਕੱਠ ਚੱਲ ਰਹੇ ਹਨ। ਮਾਇਰਸ ਨੇ ਕੋਹਲੀ ਤੋਂ ਪੁੱਛਿਆ ਕਿ ਉਹ ਉਨ੍ਹਾਂ ਨੂੰ ਲਗਾਤਾਰ ਗਾਲ਼ਾਂ ਕਿਉਂ ਕੱਢ ਰਹੇ ਸਨ ਤਾਂ ਕੋਹਲੀ ਨੇ ਕਿਹਾ ਕਿ ਉਹ (ਮਾਇਰਸ) ਉਨ੍ਹਾਂ ਨੂੰ ਘੂਰ ਕਿਉਂ ਰਿਹਾ ਸੀ। ਇਸ ਤੋਂ ਪਹਿਲਾਂ ਅਮਿਤ ਮਿਸ਼ਰਾ ਨੇ ਅੰਪਾਇਰ ਨੂੰ ਸ਼ਿਕਾਇਤ ਕੀਤੀ ਸੀ ਕਿ ਵਿਰਾਟ ਦੱਸਵੇਂ ਨੰਬਰ ਦੇ ਬੱਲੇਬਾਜ਼ ਨਵੀਨ ਉਲ ਹੱਕ ਨੂੰ ਲਗਾਤਾਰ ਗਾਲ਼ਾਂ ਕੱਢ ਰਹੇ ਹਨ।” ਪ੍ਰਤੱਖਦਰਸ਼ੀ ਮੁਤਾਬਕ ਗੌਤਮ ਨੂੰ ਲੱਗਿਆ ਕਿ ਹਾਲਾਤ ਵਿਗੜ ਜਾਣਗੇ ਤਾਂ ਉਨ੍ਹਾਂ ਨੇ ਮਾਇਰਸ ਨੂੰ ਉੱਥੋਂ ਖਿੱਚ ਲਿਆ ਤੇ ਕਿਹਾ ਕਿ ਗੱਲ ਨਾ ਕਰੋ। ਉਦੋਂ ਵਿਰਾਟ ਨੇ ਕੁੱਝ ਕਿਹਾ ਜਿਸ ਤੋਂ ਬਾਅਦ ਤਿੱਖੀ ਬਹਿਸ ਹੋਈ। Kohli vs Gambhir
