Heart Disease
ਸਾਡੀ ਜੀਵਨ ਸ਼ੈਲੀ ‘ਚ ਕਈ ਬਦਲਾਅ ਆਏ ਹਨ, ਜੋ ਸਾਡੀ ਸਿਹਤ ‘ਤੇ ਬਹੁਤ ਜ਼ਿਆਦਾ ਅਸਰ ਪਾਉਂਦੇ ਹਨ। ਇਨ੍ਹਾਂ ਤਬਦੀਲੀਆਂ ਕਾਰਨ ਸਭ ਤੋਂ ਵੱਧ ਅਸਰ ਸਾਡੇ ਦਿਲ ‘ਤੇ ਪੈਂਦਾ ਹੈ। ਖਾਣ-ਪੀਣ ਦੀਆਂ ਮਾੜੀਆਂ ਆਦਤਾਂ, ਕੋਲੈਸਟ੍ਰੋਲ, ਬਲੱਡ ਪ੍ਰੈਸ਼ਰ ਤੇ ਬਲੱਡ ਸ਼ੂਗਰ ਵਧ ਸਕਦੀ ਹੈ, ਜਿਸ ਕਾਰਨ ਦਿਲ ਦੀਆਂ ਬਿਮਾਰੀਆਂ ਦਾ ਖਤਰਾ ਕਾਫੀ ਵੱਧ ਜਾਂਦਾ ਹੈ।
ਹਾਰਟ ਡਿਜ਼ੀਜ਼ ਉਹ ਬਿਮਾਰੀਆਂ ਹਨ ਜੋ ਦਿਲ ਨੂੰ ਪ੍ਰਭਾਵਿਤ ਕਰਦੀਆਂ ਹਨ। ਇਹ ਬਿਮਾਰੀਆਂ ਦਿਲ ਦੇ ਕਿਸੇ ਵੀ ਹਿੱਸੇ ਨੂੰ ਪ੍ਰਭਾਵਿਤ ਕਰ ਸਕਦੀਆਂ ਹਨ। ਦਿਲ ਦੀਆਂ ਬਿਮਾਰੀਆਂ ’ਚ ਹਾਰਟ ਅਟੈਕ, ਕਾਰਡਿਕ ਏਸਟ ਕਾਫ਼ੀ ਆਮ ਹਨ। ਦਿਲ ਦੀ ਬਿਮਾਰੀ ਦੇ ਲੱਛਣਾਂ ਦੀ ਮਦਦ ਨਾਲ, ਇਸਦਾ ਜਲਦੀ ਤੋਂ ਜਲਦੀ ਪਤਾ ਲਗਾਇਆ ਜਾ ਸਕਦਾ ਹੈ ਅਤੇ ਇਲਾਜ ਕੀਤਾ ਜਾ ਸਕਦਾ ਹੈ।
ਕੀ ਹਨ ਦਿਲ ਦੀ ਬਿਮਾਰੀ ਦੇ ਲੱਛਣ?
ਕਲੀਵਲੈਂਡ ਕਲੀਨਿਕ ਦੇ ਅਨੁਸਾਰ, ਦਿਲ ਨਾਲ ਜੁੜੀ ਹਰ ਸਮੱਸਿਆ ਦੇ ਆਪਣੇ ਲੱਛਣ ਹੁੰਦੇ ਹਨ, ਪਰ ਕੁਝ ਆਮ ਲੱਛਣਾਂ ਦੀ ਮਦਦ ਨਾਲ ਇਹ ਅੰਦਾਜ਼ਾ ਲਗਾਇਆ ਜਾ ਸਕਦਾ ਹੈ ਕਿ ਦਿਲ ਦੀ ਕੋਈ ਸਮੱਸਿਆ ਹੈ।
ਸਾਹ ਲੈਣ ਵਿੱਚ ਮੁਸ਼ਕਲ ਆ ਰਹੀ ਹੈ
ਦਿਲ ਦੀ ਧੜਕਣ
ਚੱਕਰ ਆਉਣੇ
ਪਸੀਨਾ ਆਉਣਾ
ਗਰਦਨ ਦਾ ਦਰਦ
ਥਕਾਵਟ
ਮਤਲੀ ਜਾਂ ਉਲਟੀਆਂ
ਸਰੀਰ ਦੇ ਹੇਠਲੇ ਹਿੱਸੇ ਵਿੱਚ ਸੋਜ (ਖਾਸ ਕਰਕੇ ਲੱਤਾਂ ਵਿੱਚ ਸੋਜ)
ਛਾਤੀ ਵਿੱਚ ਦਬਾਅ ਜਾਂ ਦਰਦ ਦੀ ਭਾਵਨਾ
ਕਸਰਤ ਜਾਂ ਕੋਈ ਭਾਰੀ ਸਰੀਰਕ ਗਤੀਵਿਧੀ ਕਰਨ ਵਿੱਚ ਮੁਸ਼ਕਲ
ਰਾਤ ਨੂੰ ਸੌਣ ਵਿੱਚ ਮੁਸ਼ਕਲ
ਬੁਖ਼ਾਰ
ਕਿਵੇਂ ਕਰ ਸਕਦੇ ਹਾਂ ਹਾਰਟ ਡਿਜ਼ੀਜ਼ ਤੋਂ ਬਚਾਅ?
ਕਸਰਤ- ਹਰ ਰੋਜ਼ 30-40 ਮਿੰਟ ਕਸਰਤ ਕਰੋ। ਕਸਰਤ ਕਰਨ ਨਾਲ ਦਿਲ ਦੀ ਬਿਮਾਰੀ ਦਾ ਖਤਰਾ ਘੱਟ ਹੁੰਦਾ ਹੈ ਅਤੇ ਦਿਲ ਸਿਹਤਮੰਦ ਰਹਿੰਦਾ ਹੈ। ਐਰੋਬਿਕ ਕਸਰਤ ਕਰਨ ਨਾਲ ਦਿਲ ਨੂੰ ਸਿਹਤਮੰਦ ਰੱਖਣ ਵਿਚ ਬਹੁਤ ਮਦਦ ਮਿਲਦੀ ਹੈ।
ਭਾਰ ਮੈਂਟੇਨ ਕਰੋ- ਜ਼ਿਆਦਾ ਭਾਰ ਹੋਣ ਕਾਰਨ ਕਈ ਸਿਹਤ ਸੰਬੰਧੀ ਸਮੱਸਿਆਵਾਂ ਪੈਦਾ ਹੁੰਦੀਆਂ ਹਨ, ਜਿਵੇਂ ਕਿ ਕੋਲੈਸਟ੍ਰੋਲ ਦਾ ਵਧਣਾ, ਸ਼ੂਗਰ ਦਾ ਵਧਣਾ ਖਤਰਾ ਆਦਿ। ਭਾਰ ਘਟਾਉਣ ਨਾਲ ਕੋਲੈਸਟ੍ਰੋਲ ਨੂੰ ਘੱਟ ਕਰਨ ਵਿੱਚ ਬਹੁਤ ਮਦਦ ਮਿਲ ਸਕਦੀ ਹੈ। ਇਸ ਲਈ ਜੇਕਰ ਤੁਹਾਡਾ ਭਾਰ ਜ਼ਿਆਦਾ ਹੈ ਤਾਂ ਭਾਰ ਘਟਾਉਣ ਦੀ ਕੋਸ਼ਿਸ਼ ਕਰੋ।
READ ALSO : Diljit Dosanjh ਦੀ ਚਮਕੀਲਾ ਵਜੋਂ ਪਹਿਲੀ ਲੁੱਕ ਆਈ ਸਾਹਮਣੇ, ਫਿਲਮ 12 ਅਪ੍ਰੈਲ ਨੂੰ ਹੋਵੇਗੀ ਰਿਲੀਜ਼
ਕੋਲੈਸਟ੍ਰੋਲ ਨੂੰ ਘਟਾਓ- ਕੋਲੈਸਟ੍ਰੋਲ ਵਧਣ ਨਾਲ ਕੋਰੋਨਰੀ ਆਰਟਰੀ ਡਿਜ਼ੀਜ਼ ਦਾ ਖਤਰਾ ਕਾਫੀ ਵੱਧ ਜਾਂਦਾ ਹੈ, ਜੋ ਕਿ ਹਾਰਟ ਅਟੈਕ ਦਾ ਸਭ ਤੋਂ ਵੱਡਾ ਕਾਰਨ ਹੈ। ਇਸ ਲਈ ਕੋਲੈਸਟ੍ਰੋਲ ਦਾ ਪੱਧਰ ਵਧਣਾ ਕਾਫੀ ਖਤਰਨਾਕ ਹੈ। ਕੋਲੈਸਟ੍ਰੋਲ ਨੂੰ ਘਟਾਉਣ ਲਈ, ਸਿਹਤਮੰਦ ਖੁਰਾਕ ਖਾਓ ਅਤੇ ਕਸਰਤ ਕਰੋ।
ਸੇਚੁਰੇਟਿਡ ਫੈਟਸ ਤੇ ਪ੍ਰੋਸੈਸਡ ਫੂਡਸ ਘੱਟ ਖਾਓ – ਸੇਚੁਰੇਟਿਡ ਫੈਟਸ ਤੇ ਜ਼ਿਆਦਾ ਸ਼ੂਗਰ ਜਾਂ ਨਮਕ ਧਮਨੀਆਂ ਨਾਲ ਸਬੰਧਤ ਸਮੱਸਿਆਵਾਂ ਪੈਦਾ ਕਰ ਸਕਦੇ ਹਨ। ਇਸ ਲਈ, ਪ੍ਰੋਸੈਸਡ ਫੂਡ ਅਤੇ ਗੈਰ-ਸਿਹਤਮੰਦ ਚਰਬੀ ਦੀ ਮਾਤਰਾ ਨੂੰ ਘੱਟ ਤੋਂ ਘੱਟ ਕਰੋ ਅਤੇ ਇਸ ਦੀ ਬਜਾਏ ਆਪਣੀ ਖੁਰਾਕ ਵਿੱਚ ਓਮੇਗਾ -3 ਫੈਟੀ ਐਸਿਡ, ਫਾਈਬਰ, ਵਿਟਾਮਿਨ ਅਤੇ ਖਣਿਜ ਸ਼ਾਮਲ ਕਰੋ।
Heart Disease
