Krunal Pandya Second Baby
ਲਖਨਊ ਸੁਪਰ ਜਾਇੰਟਸ ਦੇ ਦਿੱਗਜ ਖਿਡਾਰੀ ਕਰੁਣਾਲ ਪੰਡਯਾ ਦੂਜੀ ਵਾਰ ਪਿਤਾ ਬਣ ਗਏ ਹਨ। ਉਨ੍ਹਾਂ ਦੀ ਪਤਨੀ ਪੰਖੂੜੀ ਸ਼ਰਮਾ ਨੇ ਦੂਜੇ ਬੱਚੇ ਨੂੰ ਜਨਮ ਦਿੱਤਾ ਹੈ। ਕਰੁਣਾਲ ਅਤੇ ਪੰਖੂੜੀ ਨੇ ਇਸ ਦਾ ਨਾਂ ਵਾਯੂ ਰੱਖਿਆ ਹੈ। ਲਖਨਊ ਦੇ ਖਿਡਾਰੀ ਕਰੁਣਾਲ ਨੇ ਸੋਸ਼ਲ ਮੀਡੀਆ ਰਾਹੀਂ ਪ੍ਰਸ਼ੰਸਕਾਂ ਨੂੰ ਇਹ ਜਾਣਕਾਰੀ ਦਿੱਤੀ। ਕਰੁਣਾਲ ਦੀ ਪਤਨੀ ਨੇ 21 ਅਪ੍ਰੈਲ ਨੂੰ ਇੱਕ ਬੱਚੇ ਨੂੰ ਜਨਮ ਦਿੱਤਾ ਸੀ। ਪਰ ਉਸ ਨੇ ਸ਼ੁੱਕਰਵਾਰ ਨੂੰ ਇਹ ਜਾਣਕਾਰੀ ਜਨਤਕ ਕੀਤੀ।
ਕਰੁਣਾਲ ਨੇ ਪੰਖੂੜੀ ਨਾਲ ਸਾਲ 2017 ‘ਚ ਵਿਆਹ ਕੀਤਾ ਸੀ। ਪੰਖੂੜੀ ਨੇ ਜੁਲਾਈ 2022 ਵਿੱਚ ਆਪਣੇ ਪਹਿਲੇ ਬੱਚੇ ਨੂੰ ਜਨਮ ਦਿੱਤਾ ਸੀ। ਉਨ੍ਹਾਂ ਦੇ ਪੁੱਤਰ ਦਾ ਨਾਂ ਕਵੀਰ ਹੈ। ਕਰੁਣਾਲ ਨੇ ਸੋਸ਼ਲ ਮੀਡੀਆ ਰਾਹੀਂ ਇਸ ਗੱਲ ਦੀ ਜਾਣਕਾਰੀ ਦਿੱਤੀ ਸੀ। ਹੁਣ ਪੰਖੁੜੀ ਨੇ ਇੱਕ ਹੋਰ ਬੱਚੇ ਨੂੰ ਜਨਮ ਦਿੱਤਾ ਹੈ। ਪੰਖੂੜੀ ਅਤੇ ਕਰੁਣਾਲ ਨੇ ਇਸ ਦਾ ਨਾਂ ਵਾਯੂ ਰੱਖਿਆ ਹੈ। ਲਖਨਊ ਸੁਪਰ ਜਾਇੰਟਸ ਦੇ ਖਿਡਾਰੀ ਕਰੁਣਾਲ ਫਿਲਹਾਲ IPL ਖੇਡਣ ‘ਚ ਰੁੱਝੇ ਹੋਏ ਹਨ। ਪਰ ਉਨ੍ਹਾਂ ਨੇ ਆਪਣੀ ਪਤਨੀ ਨਾਲ ਤਾਜ਼ਾ ਫੋਟੋ ਸ਼ੇਅਰ ਕੀਤੀ ਹੈ। ਉਹ ਪੰਖੁੜੀ ਨੂੰ ਮਿਲਣ ਆਇਆ ਸੀ।
Read Also:- ਅੱਜ ਕੱਲ ਮੋਬਾਈਲ ਫੋਨ ਦਾ ਵਧ ਗਿਆ ਕਹਿਰ, ਲੋਕ ਹੋ ਰਹੇ ‘ਨੋਮੋਫੋਬੀਆ’ ਦਾ ਸ਼ਿਕਾਰ, ਕੀ ਤੁਸੀਂ ਵੀ?
ਕਰੁਣਾਲ ਦੇ ਇੰਸਟਾਗ੍ਰਾਮ ਪੋਸਟ ‘ਤੇ ਪ੍ਰਸ਼ੰਸਕ ਵਧਾਈ ਦੇ ਰਹੇ ਹਨ। ਇਸ ਪੋਸਟ ਨੂੰ ਬਹੁਤ ਹੀ ਘੱਟ ਸਮੇਂ ਵਿੱਚ 60 ਹਜ਼ਾਰ ਤੋਂ ਵੱਧ ਲੋਕਾਂ ਨੇ ਪਸੰਦ ਕੀਤਾ ਹੈ। ਦਿਲਚਸਪ ਗੱਲ ਇਹ ਹੈ ਕਿ ਲਖਨਊ ਸੁਪਰ ਜਾਇੰਟਸ ਨੇ ਵੀ ਕਰੁਣਾਲ ਨੂੰ ਵਧਾਈ ਦਿੱਤੀ ਹੈ। ਦਿਨੇਸ਼ ਕਾਰਤਿਕ ਅਤੇ ਸ਼ਿਖਰ ਧਵਨ ਸਮੇਤ ਕਈ ਕ੍ਰਿਕਟਰਾਂ ਨੇ ਵੀ ਟਿੱਪਣੀ ਕੀਤੀ ਹੈ।
ਕਰੁਣਾਲ IPL 2024 ‘ਚ ਲਖਨਊ ਲਈ ਖੇਡ ਰਿਹਾ ਹੈ। ਉਸ ਨੇ ਇਸ ਸੀਜ਼ਨ ‘ਚ 8 ਮੈਚ ਖੇਡੇ ਹਨ ਅਤੇ ਇਸ ਦੌਰਾਨ 5 ਵਿਕਟਾਂ ਲਈਆਂ ਹਨ। ਕਰੁਣਾਲ ਨੇ 5 ਪਾਰੀਆਂ ‘ਚ 58 ਦੌੜਾਂ ਬਣਾਈਆਂ ਹਨ। ਇਸ ਦੌਰਾਨ ਅਜੇਤੂ 43 ਦੌੜਾਂ ਦਾ ਸਰਵੋਤਮ ਸਕੋਰ ਰਿਹਾ ਹੈ। ਕਰੁਣਾਲ ਨੇ IPL ਦੇ 121 ਮੈਚਾਂ ‘ਚ 1572 ਦੌੜਾਂ ਬਣਾਈਆਂ ਹਨ। ਇਸ ਦੌਰਾਨ ਇਕ ਅਰਧ ਸੈਂਕੜਾ ਲਗਾਇਆ ਹੈ। ਉਸ ਨੇ ਆਪਣੇ ਆਈਪੀਐਲ ਕਰੀਅਰ ਵਿੱਚ ਕੁੱਲ 75 ਵਿਕਟਾਂ ਲਈਆਂ ਹਨ।
Krunal Pandya Second Baby
