Prohibited Words at Airport
ਜੇ ਤੁਸੀਂ ਹਵਾਈ ਯਾਤਰਾ ‘ਤੇ ਜਾ ਰਹੇ ਹੋ, ਤਾਂ ਏਅਰਪੋਰਟ ‘ਤੇ ਕੁਝ ਵੀ ਕਹਿਣ ਤੋਂ ਪਹਿਲਾਂ 100 ਵਾਰ ਸੋਚੋ ! ਅਜਿਹਾ ਹੋ ਸਕਦਾ ਹੈ ਕਿ ਤੁਹਾਡੇ ਮੂੰਹ ‘ਚੋਂ ਕੁਝ ਨਿਕਲ ਜਾਵੇ, ਜੋ ਤੁਹਾਡੇ ਲਈ ਆਮ ਗੱਲ ਹੈ ਪਰ ਇਨ੍ਹਾਂ ਗੱਲਾਂ ਦੇ ਆਧਾਰ ‘ਤੇ ਸੁਰੱਖਿਆ ਏਜੰਸੀਆਂ ਤੁਹਾਨੂੰ ਸਲਾਖਾਂ ਪਿੱਛੇ ਭੇਜ ਦਿੰਦੀਆਂ ਹਨ। ਤੁਹਾਨੂੰ ਦੱਸ ਦੇਈਏ ਕਿ ਅਜਿਹਾ ਪਹਿਲਾਂ ਵੀ ਹੋਇਆ ਹੈ। ਦੋ ਦਿਨ ਪਹਿਲਾਂ ਕੋਚੀ ਹਵਾਈ ਅੱਡੇ ਤੋਂ ਇਸੇ ਤਰ੍ਹਾਂ ਦੇ ਇੱਕ ਮਾਮਲੇ ਵਿੱਚ ਇੱਕ ਯਾਤਰੀ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਸੀ। ਕੁਝ ਮਹੀਨੇ ਪਹਿਲਾਂ ਵੀ ਇਸੇ ਤਰ੍ਹਾਂ ਦੇ ਮਾਮਲੇ ‘ਚ ਦਿੱਲੀ ਏਅਰਪੋਰਟ ਤੋਂ ਦੋ ਯਾਤਰੀਆਂ ‘ਤੇ ਕਾਰਵਾਈ ਕੀਤੀ ਜਾ ਚੁੱਕੀ ਹੈ।
ਹਵਾਈ ਅੱਡੇ ਦੀ ਸੁਰੱਖਿਆ ਨਾਲ ਜੁੜੇ ਇੱਕ ਸੀਨੀਅਰ ਅਧਿਕਾਰੀ ਮੁਤਾਬਕ, ਯਾਤਰੀ ਅਕਸਰ ਚਿੜਚਿੜੇਪਨ ਵਿੱਚ ਅਜਿਹੇ ਸ਼ਬਦ ਬੋਲਦੇ ਹਨ, ਜਿਸ ਕਾਰਨ ਉਹ ਆਪਣੇ ਲਈ ਵੱਡੀ ਮੁਸੀਬਤ ਖੜ੍ਹੀ ਕਰ ਲੈਂਦੇ ਹਨ। ਉਦਾਹਰਨ ਲਈ, ਐਕਸ-ਰੇ ਮਾਨੀਟਰ ‘ਤੇ ਬੈਠੇ C.I.S.F ਸਕ੍ਰੀਨਰ ਨੂੰ ਬੈਗ ਵਿੱਚ ਰੱਖੀ ਕਿਸੇ ਵੀ ਵਸਤੂ ‘ਤੇ ਸ਼ੱਕ ਹੁੰਦਾ ਹੈ। ਅਜਿਹੇ ਵਿੱਚ ਉੱਥੇ ਮੌਜੂਦ C.I.S.F ਅਧਿਕਾਰੀ ਸਬੰਧਤ ਯਾਤਰੀ ਨੂੰ ਬੈਗ ਖੋਲ੍ਹ ਕੇ ਦਿਖਾਉਣ ਲਈ ਕਹਿੰਦਾ ਹੈ। ਅਜਿਹੇ ਹਾਲਾਤਾਂ ਵਿੱਚ ਕਈ ਵਾਰ ਮੁਸਾਫ਼ਰ ਖਿਝ ਜਾਂਦੇ ਹਨ ਅਤੇ ਕਹਿੰਦੇ ਹਨ, “ਦੇਖੋ ਬੈਗ ਵਿੱਚ ਕਿਹੜਾ ਬੰਬ ਹੈ।”
ਹਵਾਬਾਜ਼ੀ ਸੁਰੱਖਿਆ ਅੰਤਰਰਾਸ਼ਟਰੀ ਮਾਪਦੰਡਾਂ ਨਾਲ ਬੱਝੀ ਹੋਈ ਹੈ ਅਤੇ ਉਨ੍ਹਾਂ ਮਾਪਦੰਡਾਂ ਦੇ ਤਹਿਤ ‘ਬੰਬ’ ਵਰਜਿਤ ਸ਼ਬਦ ਹੈ ਅਤੇ ਇਸ ਸ਼ਬਦ ਨੂੰ ਸੁਣਨ ‘ਤੇ ਕਿਰਿਆ ਦੀ ਪੂਰੀ ਪ੍ਰਕਿਰਿਆ ਹੈ। ਇਸ ਲਈ ਹਵਾਬਾਜ਼ੀ ਸੁਰੱਖਿਆ ਨੂੰ ਧਿਆਨ ਵਿੱਚ ਰੱਖਦੇ ਹੋਏ, ਇਸ ਪ੍ਰਕਿਰਿਆ ਨੂੰ ਨਜ਼ਰਅੰਦਾਜ਼ ਨਹੀਂ ਕੀਤਾ ਜਾ ਸਕਦਾ ਹੈ। ਅਜਿਹੇ ‘ਚ ਦੋਸ਼ੀ ਯਾਤਰੀ ਖ਼ਿਲਾਫ਼ ਕਾਨੂੰਨੀ ਕਾਰਵਾਈ ਵੀ ਕੀਤੀ ਜਾਂਦੀ ਹੈ।
Read Also : ਰੋਜ਼ੀ ਰੋਟੀ ਕਮਾਉਣ ਬਾਹਰ ਜਾਣ ਵਾਲੇ ਨੌਜਵਾਨਾਂ ਨੂੰ CM ਮਾਨ ਦੀ ਨਸੀਹਤ , ਕਿਹਾ ਇੱਥੇ ਹੀ ਬਥੇਰੀਆਂ ਨੌਕਰੀਆਂ…
ਹਵਾਈ ਅੱਡੇ ਦੀ ਸੁਰੱਖਿਆ ਨਾਲ ਜੁੜੇ ਇੱਕ ਸੀਨੀਅਰ ਅਧਿਕਾਰੀ ਨੇ ਕਿਹਾ ਕਿ ਬੰਬ ਵਾਂਗ ਕੁਝ ਹੋਰ ਸ਼ਬਦ ਵੀ ਹਨ, ਜੇ ਬੋਲੇ ਜਾਣ ਤਾਂ ਤੁਸੀਂ ਵੱਡੀ ਮੁਸੀਬਤ ਵਿਚ ਫਸ ਸਕਦੇ ਹੋ। ਇਨ੍ਹਾਂ ਵਿੱਚ ਅੱਤਵਾਦੀ, ਬੰਬ, ਮਿਜ਼ਾਈਲ, ਬੰਦੂਕ ਜਾਂ ਕਿਸੇ ਵੀ ਤਰ੍ਹਾਂ ਦਾ ਹਥਿਆਰ, ਫਾਇਰ, ਹਾਈਜੈਕ ਵਰਗੇ ਸ਼ਬਦ ਸ਼ਾਮਲ ਹਨ। ਹਵਾਈ ਯਾਤਰਾ ਦੌਰਾਨ ਯਾਤਰੀਆਂ ਨੂੰ ਇਹ ਸ਼ਬਦ ਗ਼ਲਤੀ ਨਾਲ ਵੀ ਨਹੀਂ ਬੋਲਣੇ ਚਾਹੀਦੇ। ਜੇ ਉਸ ਨੇ ਇਹ ਸ਼ਬਦ ਬੋਲੇ ਅਤੇ ਕਿਸੇ ਨੇ ਸੁਣ ਲਏ ਤਾਂ ਉਸ ਵਿਰੁੱਧ ਕਾਨੂੰਨੀ ਕਾਰਵਾਈ ਯਕੀਨੀ ਹੈ।
Prohibited Words at Airport
