SONIA MANN
ਪੰਜਾਬੀ ਅਦਾਕਾਰਾ ਤੇ ਸਿੰਗਰ ਸੋਨੀਆ ਮਾਨ ਇਨ੍ਹੀਂ ਦਿਨੀਂ ਕਿਸਾਨ ਅੰਦੋਲਨ 2.0 ‘ਚ ਪੂਰੀ ਤਰ੍ਹਾਂ ਸਰਗਰਮ ਨਜ਼ਰ ਆ ਰਹੇ ਹਨ। ਉਹ ਖਨੌਰੀ ਬਾਰਡਰ ‘ਤੇ ਧਰਨੇ ਵਿਚ ਵੀ ਹਾਜ਼ਰੀ ਭਰਨ ਗਏ ਸੀ। ਸੋਨੀਆ ਮਾਨ ਨੇ ਦੱਸਿਆ ਕਿ ਉਹ ਕਿਸਾਨਾਂ ਦੇ ਨਾਲ ਖੜ੍ਹੇ ਹਨ। ਹਾਲਾਂਕਿ ਉਨ੍ਹਾਂ ਨੇ ਮੋਰਚੇ ਦੌਰਾਨ ਕਿਸਾਨਾਂ ਨਾਲ ਨਾ ਖੜ੍ਹੀਆਂ ਹੋ ਰਹੀਆਂ ਜਥੇਬੰਦੀਆਂ ਨਾਲ ਗਿਲਾ ਜ਼ਾਹਿਰ ਕੀਤਾ।
ਉਨ੍ਹਾਂ ਨੇ ਚੱਲਦੀ ਇੰਟਰਵਿਊ ਵਿਚ ਜਾਟ ਮਹਾਸਭਾ ਦੀ ਪ੍ਰਧਾਨਗੀ ਤੋਂ ਅਸਤੀਫਾ ਦੇ ਦਿੱਤਾ। ਸੋਨੀਆ ਮਾਨ 2022 ‘ਚ ਹਰਿਆਣਾ ਜਾਟ ਮਹਾਸਭਾ ‘ਚ ਸ਼ਾਮਲ ਹੋਏ ਸੀ। ਉਨ੍ਹਾਂ ਨੂੰ ਮਹਿਲਾ ਯੂਥ ਵਿੰਗ ਪੰਜਾਬ ਦੀ ਪ੍ਰਧਾਨ ਵੀ ਬਣਾਇਆ ਗਿਆ ਸੀ। ਪਰ ਹੁਣ ਸੋਨੀਆ ਮਾਨ ਨੇ ਇਸ ਅਹੁਦੇ ਤੋਂ ਅਸਤੀਫਾ ਦੇ ਦਿੱਤਾ ਹੈ।
ਉਨ੍ਹਾਂ ਆਖਿਆ ਕਿ ਫਿਰ ਕੀ ਹੋਇਆ ਜੇਕਰ 2 ਕਿਸਾਨ ਲੀਡਰ ਪਹਿਲਾਂ ਆ ਗਏ ਸੀ, ਹੁਣ ਬਾਕੀ ਲੀਡਰ ਨੂੰ ਧੌਣ ‘ਚੋਂ ਕਿੱਲਾ ਕੱਢਣਾ ਚਾਹੀਦਾ ਹੈ। ਹੁਣ ਇਹ ਸਭ ਕਰਨ ਦਾ ਵੇਲਾ ਨਹੀਂ ਹੈ, ਸਾਰਿਆਂ ਨੂੰ ਧਰਨੇ ਵਿਚ ਸ਼ਾਮਲ ਹੋਣਾ ਚਾਹੀਦਾ ਹੈ। ਮੈਂ ਕਿਸੇ ਜਥੇਬੰਦੀ ਨਾਲ ਸਬੰਧਤ ਨਹੀਂ ਹਾਂ, ਫਿਰ ਵੀ ਧਰਨੇ ਵਿਚ ਹਾਜ਼ਰੀ ਭਰਨ ਗਈ। ਇਸ ਲਈ ਸਾਰੀਆਂ ਜਥੇਬੰਦੀਆਂ ਨੂੰ ਅੱਗੇ ਆਉਣਾ ਚਾਹੀਦਾ ਹੈ। ਉਨ੍ਹਾਂ ਸੰਯੁਕਤ ਕਿਸਾਨ ਮੋਰਚੇ ਦੀ ਚੁੱਪ ਉਤੇ ਸਵਾਲ ਚੁੱਕੇ।
READ ALSO:26-27 ਫਰਵਰੀ ਨੂੰ ਸਾਵਧਾਨ!, ਮੌਸਮ ਵਿਭਾਗ ਨੇ ਜਾਰੀ ਕੀਤਾ ਅਲਰਟ
ਇਸ ਦੌਰਾਨ ਉਨ੍ਹਾਂ ਨੇ ਕਲਾਕਾਰਾਂ ਦੇ ਮੋਰਚੇ ਵਿਚ ਸ਼ਾਮਲ ਨਾ ਹੋਣ ਬਾਰੇ ਕਿਹਾ ਕਿ ਖੇਤੀ ਕਾਨੂੰਨਾਂ ਮੌਕੇ ਲੱਗੇ ਮੋਰਚੇ ਵਿਚ ਸ਼ਾਮਲ ਹੋਣ ਉਤੇ ਕਈ ਕਲਾਕਾਰਾਂ ਉਤੇ ਪੁਲਿਸ ਕਾਰਵਾਈ ਹੋਈ ਸੀ। ਇਸ ਤੋਂ ਬਾਅਦ ਕੋਈ ਵੀ ਕਿਸਾਨ ਆਗੂ ਉਨ੍ਹਾਂ ਨੇ ਨਾਲ ਨਹੀਂ ਖੜ੍ਹਿਆ।
SONIA MANN
